Циципас си закажа пресметка со Кирјос на Вимблдон
Грчкиот тенисер Стефанос Циципас го совлада Џордан Томпсон од САД со 3:0 во сетови и обезбеди пласман во третото коло каде го чека Ник Кирјос.
Четвртиот носител на Вимблдон славеше со 6:2,6:3,7:5 за два часа и шест минути игра.
Немаше неизвесност во првиот сет, Циципас доминираше, но мечот можеше да добие поинаков тек доколку Томпсон успееше да го задржи високото ниво на игра во вториот сет кога поведе со 3:1. Наместо тоа, Циципас ги освои наредните пет гема за 6;3 и водство од 2:0 во сетови.
Најголемата борба сепак се водеше во третиот сет во кој двајцата тенисери го чуваа својот сервис се до 12 гем. Тогаш Циципас успеа да направи брејк што значеше и триумф и пласман во третот о коло каде го чека Ник Кирјос кој во три сета со 6:2,6:3,6:1 го победи Филип Крајиновиќ. Пласман во третото коло обезбедија и Лоренцо Сонего кој во три сета (7:6,6:4,6:4) беше подобар од Гастон, Тејлор Фриц со 6:3,7:6,6:3 го совлада Греј, додека ветеранот Гаске со 3:1 во сетови беше подобар од Мекдоналд.
Во женска конкуренција, двојната победничка на Вимблдон, Петра Квитора со 6:1,7:6 ја елиминира Романката Богдан. Ализ Корне беше поуспешна од Лиу (6:3,6:3), Рибакина ја победи Андреску со 2:1 во сетови, а вистинско изненадување претставува поразот на поранешната финалистка Каролина Плишкова која зао 6:3,6:7,6:4 загуби од Британката Боултер.