-Мојот впечаток е дека забраната за движење од 21 до 06 часот генерално се почитува и тоа е впечаток на сите колеги од кординативното тело, изјави Наќе Чулев на денешната прес-конференција.

На пресот тој информираше за лица кои не ја почитувале забраната за неограничено движење за време на полицискиот час и за контрола на лицата во самоизолација.

-Во таа насока сакам да ја информирам јавноста дека полициските службеници изминатата ноќ од слобода лишија 18 лица, 5 од Тетово, 2 од Гостивар, кои и покрај опомената не постапија по укажувањето туку се однеувале агресивно. Во Куманово се лишени од слобода 2 лица, кај кои е најдено и оружје, во Радовиш 2, едно во Штип, 6 во Кочани, Виница еден случај ан прекршување, но лицето се одалечило. На територија на цела држава опоменати се 74 лица, најчесто кои биле во нивните моторни возила и веднаш постапиле по насоките на полициските службеници.

При спроведување на редовните активности, полицијата дополнителна поднела 2 кривични пријави во Куманово за тргување со оружје. Во моментов, се контролиаат 618 лица со решенија за изолација и 7.307 лица со изјави за самоизолација. Вкупно има поднесено 74 кривични пријави на теритоија на цела држава. Извршени се 322 контроли на лица со решенија за изолација и 3.606 контроли со лица со изјави за самоизолација, од кое едно не го почитувало решението за изолација, а 22 лица не ги почитувале решенијата за самоизоалација. Тие ќе добијат соодветни кривични пријави, рече Чулев.