OpenAI воведува кориснички имиња и тестира профили со слики, правејќи го ChatGPT сè повеќе како социјална мрежа. Се чини дека OpenAI не сака ChatGPT да остане само четбот, место за поставување секакви прашања. Плановите се многу поголеми.

Компанијата веќе го има Sora 2, платформа што наликува на социјална мрежа и нуди „нешто како TikTok со видеа генерирани од вештачка интелигенција“, но наскоро би можела да оди чекор понатаму, пишува PC press- пренесува Каматица.

Како што корисниците забележаа на мрежата X, ChatGPT тестира функција за директни пораки. Слично на X, се чини дека ќе можат да разменуваат пораки со други корисници на GPT.

Чет-џи-пи-ти е на прагот да стане највредната приватна компанија во светот

OpenAI воведува кориснички имиња и тестира профили со слики, правејќи го ChatGPT сè повеќе како социјални мрежи. Истражувачот на вештачка интелигенција, Тибор, пронајде референци за „Директни пораки“ во апликацијата ChatGPT Android (верзија 1.2025.273 бета). Новата функција е со кодно име „Calpico“/„Calpico Rooms“.

Интересно е што директните пораки за прв пат беа воведени во новата iOS апликација Sora 2, па се сметаше дека тие социјални функции ќе останат ограничени само на таа платформа – сепак, сега изгледа дека доаѓаат и на самиот ChatGPT.
Кодот, исто така, ја споменува опцијата за ажурирање на профилот и сликата на профилот, како и известувања кога некој ќе влезе или ќе го напушти разговорот, како и push известувања кога некој (вклучувајќи го и ChatGPT) ќе испрати порака.