Кол Палмер беше ѕвезда на вечерта со два гола и една асистенција во финалето против ПСЖ, англискиот репрезентативец заслужено ја понесе титулата за најдобар играч на првото издание на новоформатираното Светско клупско првенство.

Челси доминираше во големото финале во Њујорк и славеше со убедливи 3-0, при што Палмер имаше директен удел во сите три гола, два ги постигна сам, а за третиот му асистираше на Жоао Педро. Својата извонредна форма на турнирот ја круниса со МВП-наградата која лично му ја врачи претседателот на САД, Доналд Трамп, веднаш по натпреварот.

Лондонскиот гигант имаше импресивен настап на турнирот, шест победи од вкупно седум меча, а единствениот пораз го претрпе во групната фаза од Фламенго.

Во индивидуалните признанија, Палмер не беше единствениот фудбалер на Челси кој блескаше. Роберт Санчез беше прогласен за најдобар голман на шампионатот, додека младата надеж Дезире Дуе беше издвоена како најдобар млад играч.

На листата на најдобри стрелци, Гонзало Гарсија од Реал Мадрид се најде на врвот со четири погодоци и две асистенции. Истиот број на голови постигнаа и Анхел Ди Марија, Серау Гираси и Маркос Леонардо, но Гарсија беше најконзистентен низ целото натпреварување.