Челси и Ливерпул денеска на „Вембли“ за трофејот во Лига купот
Денеска од 16.00 часот на стадионот „Вембли“ во Лондон ќе се игра финалето во англискиот Лига куп, а за пехарот ќе се борат фудбалерите на Челси и Ливерпул.
Колку е важен овој натпревар говорат два факти. Менаџерот на Челси, Маурисио Покетино никогаш не стигнал до трофеј во Англија и има одлична можност да го направи тоа, а од друга страна, менаџерот на Ливерпул, Јирген Клоп сака да го одржи сонот за кревање четири пехари во својата последна сезона.
Менаџерот на лондонските „сини“, Покетино ги сподели очекувањата пред мечот:
– Мислам дека последните недели покажаа дека сме во нагорен период. Нашите резултати инспирираат доверба, но знаеме дека претстои голема битка. За мене Ливерпул е фаворит, ако не се тие, не сме ни ние. Тие исто така играа многу финалиња во последните осум години. За многу мои играчи ова е прво финале во кариерата и затоа мислам дека Ливерпул е фаворит. Сепак, да сум на местото на Клоп, би рекол дека шансите се 50-50 – вели Покетино.
Во ова натпреварување најмногу трофеи има Ливерпул, вкупно девет, додека Челси има пет.