Чамец со мигранти потона во близина на грчкиот остров Лезбос, тројца исчезнати
Брод со мигранти потона во близина на Лезбос; Тројца исчезнати, десет спасени
Десет лица се спасени, а по тројца се уште се трага, откако потона гумен чамец во близина на грчкиот остров Лезбос долж поморската граница со Турција.
Во потрагата се вклучени два патролни чамци на крајбрежната стража, брод на европската гранична агенција Фронтекс, еден хеликоптер и два авиони, како и брод што пловел во близина, се вели во соопштението на грчката крајбрежна стража.
За инцидентот била известена и турската крајбрежна стража.
Грчката крајбрежна стража изјави дека бродот најверојатно потонал во турските територијални води, од каде што едно лице пливало до грчките територијални води каде што властите го подигнале, а потоа спасиле уште девет лица.
Преживеаните им рекле на властите дека имало вкупно 13 луѓе на чамецот кога потонал.
Стотици илјади мигранти и бегалци ја користат Грција како главен влез во Европа.
