Бугарите мора да знаат од каде потекнува медот кој го јадат
На етикетата на медот мора да се наведе земјата или земјите на потекло каде што е собран производот. Ова е запишано во уредба што ја усвои бугарскиот Советот на министри. Со неа се регулира условите за мед наменет за исхрана на луѓето, со цел заштита на здравјето и правата на потрошувачите, олеснување на слободното движење на медот и пристап до производи со висок квалитет. Регулативата ги дефинира барањата за составот, карактеристиките, имињата на медот и етикетирањето на производите.
Кога медот се става во промет или се става во производи наменети за човечка исхрана, не е дозволено додавање на состојки на храна, адитиви за храна или додавање на нешто друго освен мед, пишува „24 Часа. Бг“.
Промените имаат за цел да ги ограничат прекршувањата и да ја зголемат ефективноста на спроведената контрола. Предвидено е уредбата да стапи во сила во рок од 14 дена од денот на објавувањето во „Државен весник“, бидејќи е потребен период за запознавање и прилагодување на деловните оператори и контролното тело на барањата на уредбата.