Сегашниот голман на Парма, легендарниот Џанлуиџи Буфон добил понуда од 15 милиони евра за едногодишен договор од клуб од Саудиска Арабија.

Италијанските медиуми објавија дека Буфон во наредните неколку денови би требало да донесе одлука за иднината на кариерата. Во текот на вчерашниот ден познатиот италијански новинар, Џанлука Ди Марцио објави дека Буфон размислува за крај на кариерата.

Меѓутоа, ако информациите од Саудиска Арабија се точни, 45-годишниот голман би можел да се одлучи една сезона да помине во Саудиска Арабија каде што веќе заминаа играчи како Кристијано Роналдо, Карим Бензема, Нголо Канте…

Gigi #Buffon has received a very rich bid from a Saudi Arabia’s club: contract until 2025 (€15M/year). The legend goalkeeper is reflecting… #transfers 🇸🇦

— Nicolò Schira (@NicoSchira) July 1, 2023

Во последната сезона Буфон бранеше на 19 натпревари за Парма и прими 24 гола и не успеа со овој клуб да се врати во Серија А откако беа поразени во плеј-офот од Каљари.

Буфон кариерата ја започна токму во Парма, а потоа од 2001 до 2018 година беше дел од Јувентус каде што се врати по една сезона помината во ПСЖ. Голот на италијанската репрезентација го чуваше на 176 натпревари.