Полицијата трага по мажот кој ја силувал британската тинејџерка во сауна во хотел во Мајорка. 15-годишната туристка, која била на одмор со нејзиното семејство, била сама околу 16 часот попладне во понеделникот, кога напаѓачот влегол во сауната и ја присилил на сексуални односи, пишува Дејли мејл.

Извори велат дека инцидентот се случил во хотелот со 4 ѕвезди „Best Delta Hotel“, кој е сместен во мирно соседство на 20 минути од главниот град на Мајорка, Палма.

Полицијата ја разработува теоријата дека напаѓачот го набљудувал девојчето и чекал да биде само пред да го нападне.

Девојчето го алармирало хотелот веднаш по сексуалниот напад и била однесена во болницата „Son Llatzer Hospital“. Персоналот од хотелот одбивал да коментира за случајот.