Британците тврдат дека Русија може да ги заостри патните ограничувања за владините службеници
Руската влада најверојатно ќе воведе се построги ограничувања за патување на руските службеници, објави денеска британското Министерство за одбрана во својот извештај за ситуацијата во Украина. Постои реална можност „да се заострат патните ограничувања за зголемен број вработени во јавниот сектор“, најавуваат оттаму.
Latest Defence Intelligence update on the situation in Ukraine – 15 March 2023
Find out more about Defence Intelligence's use of language: https://t.co/BxlPSchzOy
🇺🇦 #StandWithUkraine 🇺🇦 pic.twitter.com/FftfJs4bJP
— Ministry of Defence 🇬🇧 (@DefenceHQ) March 15, 2023
„Мерките најверојатно се дизајнирани да го спречат бегството или пребегнувањето на сè понезадоволни службеници“, се додава.
Ограничувањата за патување за владините службеници, пишуваат аналитичарите, веќе биле во сила за време на советската ера и биле заострени по анексијата на украинскиот полуостров Крим во 2014 година.
Мерките беа продолжени по руската инвазија на Украина во февруари 2022 година. „Некои функционери можеби мораа да ги предадат своите пасоши на Федералната служба за безбедност“, се вели во извештајот. На оние во внатрешниот круг на Кремљ им е „забрането секое меѓународно слободно патување“.