Болсонаро наскоро ќе се врати во Бразил
Поранешниот бразилски претседател, Жаир Болсонаро, кој од крајот на декември е во САД, изјави дека наскоро планира да се врати во Бразил.
Болсонаро ја напушти болницата во сојузната американска држава Флорида каде беше примен ден претходно, и покрај препораките на лекарите кои го советувале да остане во клиниката барем уште неколку дена, објави бразилската телевизија „Глобо”.
„Пристигнав во САД и требаше да останам овде до крајот на јануари, но планирам да се вратам порано. Бидејќи лекарите во Бразил подобро го знаат мојот проблем со интестинална опструкција предизвикана од раната со нож (здобиена при средба со гласачите во септември 2018)”, изјави Болсонаро за „Си-Ен-Ен Бразил”.
– Após facada sofrida em Juiz de Fora/MG, fui submetido à 5 cirurgias. Desde a última, por por 2x tive aderências que me levaram à outros procedimentos médicos.
– Ontem nova aderência e baixa hospitalar em Orlando/USA.
– Grato pelas orações e mensagens de pronto restabelecimento. pic.twitter.com/u5JwG7UZnc— Jair M. Bolsonaro 2️⃣2️⃣ (@jairbolsonaro) January 10, 2023
Болсонаро истакна дека ова е третпат да биде хоспитализиран поради таков проблем.
„Стигнав овде за да поминам малку време со моето семејство. Но, немав мирни денови. Прво овие немили настани (немири во градот Бразилија), потоа мојата хоспитализација”, рече тој.