Актуелниот Градоначалник на Карпош Стефан Богоев нема да биде кандидат за градоначалник од редовите на СДСМ на локалните октомвриски извори, соопшти генералниот секретар и шеф на изборниот штаб на СДСМ, Лупчо Николовски, пренесува “Слободен печат”.

– Душко Весковски актуелниот директор на ЈП Водовод Скопје ќе биде кандидат за градоначалник на општина Карпош од СДСМ. Стефан Богоев ќе се вгради во одговорнностите што ги има Владата. Владата се и министрите, и клучните институции кои се во рамки на владата, органи на државната управа, аганции итн., тоа ќе му го оставиме на претседателот да го соопшти. Мотивацијата и интенцијата на Стефан Богоев беше таква, и партијата тоа ќе го овозможи. Во Карпош и со Стефан Богоев, и со Душко Весковски, и со Мери Ѓорѓевска не може да ни се спротивстави никој друг. Разликата е 12 проценти во корист на СДСМ – истакна Николовски.