Поранешниот италијански премиер Силвио Берлускони, кој боледува од хронична леукемија и деновиве итно беше примен во болница, е отпуштен од одделот за интензивна нега, но сѐ уште е на клиниката во Милано, каде се лекува од акутна инфекција на белите дробови, изјави денеска неговиот брат Паоло.

„Сè е во ред, тој излезе од интензивна нега“, ја пренесува миланскиот весник „Кориере дела сера“ изјавата на Паоло Берлускони пред да го посети својот 86-годишен брат во болница.

Болницата одби да ги коментира овие наводи, но соопшти дека утре ќе објави медицински билтен за состојбата на Берлускони, пренесе АП.

На 5 април Берлускони беше примен во болница поради пневмонија, а за време на хоспитализацијата неговите лекари открија дека боледува од хронична леукемија.