Барселона со 3:1 ја совлада Борусија Дортмунд и го обезбеди првото место на табелата во групата Ф. Дуелот со „милионерите“ беше специјален за Лионел Меси, тој по 700. пат го носеше дресот на Барселона, а јубилејот го зачини со гол. Останатите два гола ги постигнаа Луис Суарез и Антоан Гризман, додека голот за Борусија го постигна Џејдон Санчо.

Lionel Messi has now either scored or assisted in 851 goals in 700 appearances for Barcelona. pic.twitter.com/95EyGfdpoS

— okayque (@TNKayq3) November 27, 2019

Во истата Ф група, Интер со 1:3 ја совлада Славија Прага и остана во трката за освојување на второто место. Напаѓачкото дуо Лаутаро Мартинез и Ромелу Лукаку беше во елемент и ги постигна трите голови.

Македонскиот репрезентативец Елиф Елмас иако беше најавен во првиот тим, сепак дуелот на Наполи против Ливерпул го започна на клупата за резервни играчи. Елмас влезе во игра во 81. минута, а неговиот тим успеа да остане непоразен на „Енфилд“ играјќи 1:1. Дрис Мертенс го отвори резултатот во првото полуврмее, додека во 67. минута, Дејан Ловрен погоди за европскиот шампион.

Резултати:

Валенсија – Челси 2:2
Зенит – Олимпик Лион 2:0
Барселона – Борусија Дортмунд 3:1
Генк – Салзбург 1:4
Лил – Ајакс 0:2
Ливерпул – Наполи 1:1
Лајпциг – Бенфика 2:2
Славија Прага – Интер 1:3