Атлетико за 20 милиони евра купи репрезентативец на Аргентина
Аргентинскиот репрезентативец Науел Молина е нов играч на Атлетико. Потпиша петгодишен договор, потврдија од мадридскиот клуб.
На овој начин се исполни желбата на тренерот на „јорганџиите“ Диего Симеоне, кој инсистираше да го доведе својот сонародник кој игра на десната страна – пред сè дефанзивец, но знае да игра и како и крилен напаѓач, во зависност од формацијата во која тимот ќе игра.
Атлетико наводно платил 20.000.000 евра на Удинезе за да го ангажира во своите редови.
Некои извори пишуваат дека обештетувањето е исплатено веднаш, додека други велат дека италијанскиот клуб сега добил 10.000.000 евра, а остатокот ќе го добие во наредниот период преку разни бонуси и клаузули.
Молина пристигна во Удинезе пред две години од Бока Јуниорс како 22-годишен и оттогаш значително напредуваше, толку многу што стигна до репрезентацијата на Аргентина, за која дебитираше во јуни 2021 година.
🎙 Nahuel Molina
❝Having the chance to play here is a dream❞ pic.twitter.com/LsOer88B7B
— Atlético de Madrid (@atletienglish) July 28, 2022