Американски бизнисмен го купи и шестиот фудбалски клуб во Европа
Американскиот бизнисмен Дејвид С. Блицер стана вистински спортски тајкун откако купи пакет менаџерски акции и во својот шести фудбалски клуб во Европа.
Тој има сега има и сопственички права во АДО Ден Хаг од Холандија преку неговата компанија „Глобал фудбал холдингс“. Претходно, Блицер ги стекна сопственичките права и на Кристал Палас во Англија, Аугсбург во Германија, Васланд Беверен во Белгија, Алкоркон во Шпанија и Есторил во Португалија.
Секако, тој не е целосен сопственик на споменатите тимови, но сигурно има големи удели во нив и поседува огромни права врз нив.
Не само што има фудбалски клубови, тој е и акционер во неколку спортски тимови во САД, особено во НБА тимот Филаделфија Сиксерс и НХЛ клубот од истиот град.
Блицер поседува и удел во бејзбол лигата, а поседува и спортски тим наречен Дигнитас.