Активистите на организациајта „Гринпис“ денеска блокираа испорака на руски гас до терминалот за течен природен гас во Торни, северна Финска.

Активистите се качиле на бродовите и спречиле рускиот гас да биде истоварен. Поради тоа, двата брода се надвор од терминалот, во близина на шведската граница.

– Целосно е неприфатливо рускиот гас сè уште да биде дозволен да циркулира во Финска, повеќе од шест месеци по почетокот на инвазијата на Путин врз Украина, изјави Оли Таинен од „Гринпис“.

Тој додаде дека Владата на премиерката Сана Марин веднаш треба да го забрани целиот увоз на руски фосилни горива.

Засега нема европски санкции на увоз на гас од Русија, санкциите се воведени само за нафта и јаглен.

Русија во мај ја прекина испораката на гас во Финска, наведувајќи проблеми со плаќањата, но рускиот течен природен гас продолжи да се испорачува со брод.

Минатата недела, активисти на „Гринпис“, исто така, ја блокираа испораката на руски гас на терминал за природен гас во близина на Стокхолм, Шведска.