Актерката Мили Боби Браун (19) пред речиси шест месеци се сврши со Џејкоб Бонџови (20), син на познатиот музичар Џон Бон Џови (61). Моментално тие ја планираат својата венчавка, а Мили во интервју за „Тудеј“ откри зошто не сака свекорот да ѝ пее на нејзиниот посебен ден.

Таа во интервјуто раскажа како се одвива целиот процес на организација и откри дека и двајцата се многу возбудени.

„Џејк е навистина вклучен. Тој помага во текот на целиот процес. Никогаш не сум се чувствувала како да сум сам во ова и мислам дека тоа е навистина убаво. Цело време размислувам: „Дали е ова добра идеја?“. Но, на крајот, тоа е интимен ден за нас двајца и многу сме возбудени“, изјави Мили.

Меѓу останатите детали, Мили откри и дека не сака нејзиниот свекор да ѝ пее на свадбата, бидејќи заслужува пауза.

„Мислам дека ќе изгледа како да приредувам шоу за сите други. Верувам дека човекот заслужува одмор. Тој не запира. Секогаш е на тенис или на тренинзи за пеење. Мислам дека му треба пауза. Тричасовна пауза“, објасни таа.

Откако Мили и Џејк се свршија во април оваа година, многумина коментираа дека се премногу млади за да се венчаат. Но, Џон Бон Џови не се согласи со нив и во едно интревју изјави дека не гледа проблем во тоа што ќе стапат во брак толку млади.

„Не знам дали возраста е важна. Знаете, ако го пронајдете вистинскиот партнер и растете заедно, мислам дека тоа би бил и мојот совет…навистина е мудро да растете заедно. Мислам дека сите мои деца ги најдоа луѓето со кои мислат дека можат да растат заедно и сите ни се допаѓаат“, изјавил пејачот.

Инаку, Мили Боби Браун и Џон Бон Џови се запознаа пред три години. Таа откри дека пред да влезат во романтична врска, тие се запознале на Инстаграм и дека на почеток биле само пријатели.

ФОТО | „Ти сѐ уште си дете“: Мили Боби Браун се сврши со синот на Џон Бон Џови