Фудбалските репрезентации на Србија и Албанија ќе ги одмерат силите оваа сабота од 20:45 часот во Лесковац, во рамки на квалификациите за Светското првенство. Натпреварот има особена тежина,  не само поради резултатскиот влог, туку и поради долгогодишните тензии што постојат меѓу двете земји.

Двете селекции се во трка за второто место во групата „К“, кое носи пласман во баражот за Мундијалот. Англија е веќе недостижна на врвот со максимален број бодови и импресивен биланс без примен гол. Во овој момент, Албанија има еден бод предност пред Србија, но Србите се и со наатпревар помалку.

Пред натпреварот, дополнителна тензија внесе и изјавата на поранешниот албански фудбалски судија, сега ТВ аналитичар и водител Лоренц Јемини.

„Се надевам на голем ден за албанската репрезентација. Доволно ми е победа од 0:1. Ќе биде тешко, го велам тоа како навивач. Ако победиме 0:1, ќе се соблечам во студиото. Натпреварот ќе го гледам во дресот на репрезентацијата, а ако дадеме повеќе голови, можеби ќе соблечам и сè останато.“

Преземено од: Спорт.ком.мк