Адеми: Имаме историска можност, граѓаните сакаат сплотување за европска иднина
Сите ние кои сме денес тука имаме историска одговорност да влееме надеж, а не да сееме страв. Да засадиме иднина и да ја откорнеме безперспектенивоста, порача координаторот на пратеничката група на ДУИ, Арбер Адеми во неговото обраќање на собраниската седница за уставните измени.
– Граѓаните не сакаат поделби, туку сплотување за европска иднина, сакаат мир, и не сакаат да бидат со Русија и Истокот, туку со САД и Европа и таа слика покажува и докажува дека се за ЕУ и за подобар животен стандард, за интеграција, а не за изолација – порача Адеми.
За загриженоста на пратениците и партиите, тој посочи дека целосно ја разбира причината за загриженост, но уверува оти процесот за интегрирање ќе даде нова платформа со подобра заштита.
-Одлуката за уставните измени е во наши, ваши раце. Одлуката што ќе биде донесена ќе одлучува за понатаму, за нашата внатрешна работа, визија за иднината и стандардот, каде човекот не може да остане индиферентен – заклучи тој и порача заедно и рационално да продолжат понатаму бидејќи го заслужуваат членството.
Во моментов обраќање има пратеникот Кастриот Реџепи, а потоа ќе се обрати и координаторот на пратеничката група на СДСМ, Јован Митрески.
Седницата започна со задоцнување од повеќе од еден час, а пред почетокот имало координација на партиите при што било договорено на седницата да се обраќа по ецден, а другите пратеници да не се јавуваат за збор. Со 70 гласови „за“, 47 против и ниту еден воздржан на собраниската седница за уставните измени усвоен е предлогот на дневниот ред, односно точката за пристапување кон уставните измени.
Во Собранието почна процесот за уставните измени, не се знае како ќе заврши