Вечерва се емитува десеттата епизода на СПорткаст на „Слободен печат“.

Гостин во десеттото издание на СПорткаст е Горан Ѓоргоноски, поранешен ракометен репрезентативец и основач на проектот „Ракомет за секое дете“. Со Ѓоргоноски, кој е роден стружанец, разговаравме за неговото детство, првиот контакт со ракометната топка, за магијата на „струшкиот турнир“, за РК Струга. Во разговорот кој траеше повеќе од два часа, Ѓоргоноски зборуваше и за Металург, Лино Червар, за настапите во националниот дрес, за состојбите во македонскиот ракомет, за Вардар, Пелистер и Алкалоид. Горан отворено зборуваше и за распадот на клубот од Автокоманда, а пред камерите на „Слободен печат“ сподели зошто повеќе не постои ракометниот проект „КЛ7“.

Разговорот со Горан Ѓоргоноски ќе можете да го проследите вечерва со почеток од 20 часот, на јутуб-каналот на „Слободен печат“.