Германскиот тенисер Александар Зверев го победи сонародникот Доминик Кепфер со 3:1, по сетови 4:6, 6:3, 7:6 (3), 6:3 и се пласираше во второто коло на „Австралија Опен“.

По нешто повеќе од три часа, шестиот светски рекет избори пласман во следната рунда. Првиот сет му припадна на Кепфер, а беше решен со еден брејк во третиот гем.

Оттогаш, Зверев ја презеде иницијативата и стигна до израмнување 1:1, третиот сет очекувано донесе голема борба, кој беше решен во тај-брејк и му припадна на Зверев со 7:3.

Кепфер, кој е 62 тенисер на планетата храбро се држеше, но во четвртиот сет Зверев направи брејк на стартот, поведе со 3:0, потоа со 5:3 и на крајот само ја потврди победата во следниот гем во кој сервираше.

Од останатите фаворити на турнирот, 11 носител, Норвежанецот Холгер Руне убедливо со 6:1, 6:3 и 6:1 го елиминираше Шпанецот Алберт Рамос-Винолас.

Бугаринот Григор Димитров, кој е 13 носител, го совлада Мартон Фучович од Унгарија со 4:6, 6:3, 7:6 (1) и 6:2.

Елиминација доживеа 31 носител Александар Бублик од Казахстан кој загуби од квалификантот Смут Нагал од Индија со 6:4, 6:2 и 7:6 (5).

Во женска конкуренција триумф забележа првата носителка Ига Швјонтек кој со 7:6 (2) и 6:2 ја совлада Американката Софија Кенин.

Викторија Азаренка, која е 22 носителка со 6:1, 4:6 и 6:3 триумфираше против Италијанката Камила Џорџи.

Успешна беше и Елена Рибакина од Казахстан (трета носителка) која со 7:6 (6) и 6:4 ја надигра Каролина Плишкова од Чешка.