На Александар Зверев му е изречена максимална казна од АТП по неговиот напад на судиското столче на турнирот во Акапулко, Мексико.

Третиот светски играч го удираше столчето на главниот судија неколку пати со неговиот рекет по неговиот пораз во двојки заедно со Марсело Мело против Лојд Гласпул и Хари Хелиовара.

Зверев беше исфрлен од турнирот и доби парична казна од 40.000 илјади американски долари, пренесува „Еуроспорт“.

Германецот, исто така, треба да загуби повеќе од 30.000 долари во наградниот фонд и да ги предаде своите ранг-поени од настанот каде што минатата година беше шампион во поединечна конкуренција.

24-годишниот играч се извини за својот испад, но може да се соочи со дополнителна казна според АТП, кој во соопштението вели дека ќе го разгледа инцидентот.