На локалните избори Албанија на 14 мај во гласале само околу 14 отсто од младите што се пријавиле како гласачи за прв пат.

Според Централната изборна комисија, во овој процес биле пријавени 122.545 гласачи кои првпат гласале, но од нив своето право на глас го искористиле само 16.628.

Клеа Дехари, студент на физиотерапија во прва година, вели дека ниту една од политичките партии не ја инспирирала да го даде својот глас.

На локалните избори на 14 мај во Албанија гласале само околу 14 отсто од младите што се пријавиле како гласачи за прв пат. Според Централната изборна комисија, во овој процес биле пријавени 122.545 гласачи кои првпат гласале, но од нив своето право на глас го искористиле само 16.628.

Клеа Дехари, студентка во прва година на Катедрата за физиотерапија, вели дека ниту една од политичките партии не ја инспирирала да го даде својот глас за него.

„Политиката не ме интересира многу и мислам дека гласањето нема големо влијание за решавање на моите секојдневни проблеми. Не им верувам на политичарите кои во моментов не претставуваат во Албанија и не мислам дека ќе можат да направат важни промени. Исто така, не најдов ниту една политичка партија што одговара на моите ставови и вредности, а тоа ме натера да не најдам инспирација да гласам“, вели Клеа за Радио Слободна Европа.

Хигерта Хака е уште една млада жена, која за првпат имаше право на глас, но не го искористи.

„Мислам дека на Албанија и е потребна промена и мислам дека сегашните политички партии веќе немаат ништо ново да донесат. Како дел од новата генерација можам да кажам дека продолжуваме да не ја гледаме иднината внатре во државата, да си заминуваме од ден на ден, тоа ме прави да не се инспирирам од ниту една партија“, вели 18-годишната Хака.

Разочарана од ваквата состојба вели дека очекува нов политички дух.

„Очекувам нешто ново, нешто што носи развој, а не празни ветувања од секоја партија како што се случуваше секогаш кога има избори. Мислам дека дојде време Албанија да ја води нов политички дух“, вели Хигерта Хака.

Одбивањето на мнозинството млади да гласаат на изборите на 14 мај се смета за доста загрижувачко за Миген Ќираџи, првиот човек на „Граѓански став“, една од најактивните организации за различни прашања што ги засегаат младите.

„Бројките говорат за бојкот на младите гласачи за прв пат. Ние веруваме дека тоа е комбинација на фактори. Главниот податок што долго време го коментираме е оној што доаѓа од анкетите дека 70 отсто или 79 отсто од младите планираат да ја напуштат државата, поради што не се склони да учествуваат во демократските процеси. Сметам дека друг елемент е немањето програми на партиите и кандидатите, или особено за младите. Поради оваа причина, младите процениле дека не мора да учествуваат, кога за нив не се ни зборува“, вели Ќираџи.

Тој оценува дека друг аргумент е јазикот што го користат политичарите: „И на овие избори политичките лидери имаа јазик на конфликт и силеџиство“.

Ќираџи вели дека на ова отфрлање од страна на младите мора да се додаде уште еден елемент, како што е немањето демократско образование кое го имаат сите граѓани, но и кај младите.

„Мислам дека работата на сите, граѓанското општество, институциите, меѓународните треба да започне токму со последниот аргумент што го споменав, но кој е многу важен: немањето демократско образование. Важноста на гласовите треба да биде вклучена во училишните програми, да имаме поголеми кампањи за подигање на свеста посветени на младите од ЦИК. Мора да успееме да го коригираме агресивниот и силеџиски јазик, мора да се фокусираме на програмите на кандидатите и партиите. Ако сето ова се случи, уверен сум дека младите би имале поинаков пристап“, вели лидерот на организацијата „Граѓански став“.

Шефот на Студентскиот конгрес, шеф на Portalistudentor.al, Гевио Табаку вели дека партиите ги користат младите за да добијат гласови, но тие ги бојкотираа бидејќи не се пронаоѓаат во ниту една од нив.

„Бојкотот на младите е показател за недовербата во политиката. Тие наоѓаат во својата земја мали или никакви можности за развој и обука, вработување, посветеност, а тоа ги наведува да не учествуваат на изборите. Излезноста е деморализирачка и за земјата околу 90 отсто од младите гласачи за прв пат не излегоа да гласаат. Ова ве тера да размислувате, да ги најдете многуте одговори зошто бојкотирале. Главното е што младите не се заинтересирани за политички ангажман и дека партиите ги немаат во фокусот – ги користат младите за да добијат гласови, но не ги вклучуваат ниту во нивните листи, ниту во активната политика. Тие се отфрлени како група чие време сè уште не е дојдено. Бојкотот е нивен револт“, вели Гевио Табаку.

На изборите во Албанија севкупното учество на граѓаните беше слабо. Во гласањето учествувале само 38,23 отсто од околу 3 милиони и 600 илјади граѓани со право на глас. На 14 мај Албанија избра 61 градоначалник и членови на општинските совети. На изборите победи Социјалистичката партија. На листите за градоначалници и членови на општинските совети имаше многу малку жени и млади.