Ѕирнете во неверојатниот плакар на Софија Вергара! (ВИДЕО)
Како многу други познати личности кои во своите домови имаат огромни пространи гардеробери, така ниту Софија Вергара не одолеа да не си направи свој дел каде ќе биде целото нејзино „богатство“. Колубиската актерка и ѕвезда на „Модерно семејство“, на друштвените мрежи го покажа одмилениот дел во луксузниот дом.
Додека се снимаше во шарен комбинизон и високи потпетици кои се нејзината модна слабост, многумина се загледаа во позадината.
Прегледно наместена гардероба на полиците, ѕидови украсени во сребрени тонови, прекрасни декорации низ собата – совршениот плакар!
Актерката во просторијата има и големо огледало, но и кристален лустер кој на целата соба ѝ додава доза гламур. Покрај огледалото на полиците можат да се видат уредно сложените дизајнерски чевли од Кристијан Лабутен. Вергара поседува цела колекција од овие скапоцени чевли со фамозниот црвен ѓон.
На видеото можат да се забележат и кожните Хермес чанти, кои секоја љубителка на модата ги посакува во својот плакар, а оваа славна актерка ги има во изобилство.
Дали и вам ви се допаѓа плакарот на Софија?
