Украинскиот претседател Володимир Зеленски во вечерното обраќање рече дека повеќе од 70 дипломатски претставништва веќе се вклучени во работата на спроведувањето на украинската Формула за мир.

„Денеска се одржа нов состанок со претставници на дипломатските претставништва за имплементација на Формулата за мир. Со него претседаваше Андриј Ермак. Исто така денеска се приклучија уште 11 дипломати, со кои се ангажирани вкупно над 70 дипломатски претставништва. Тоа е многу добра динамика. А, може да има уште повеќе вклучени земји. Мнозинството земји во светот ќе бидат со нас. Формулата за мир е подготвена така што секоја земја и секој лидер можат да ги покажат своите способности заради заеднички резултат, за праведен и траен мир“, рече Зеленски.

Како што е соопштено, Ермак на 18 август ја одржа шестата средба со претставници на странски дипломатски претставништва, на која се разговараше за прашањето за безбедноста на животната средина како важен момент од Формулата за мир.