Ваш најдобар сојузник во обидот да се ослободите од непосакуваниот надворешен изглед на кожата е да јадете исклучиво внимателно избрани намирници

Под целулит се подразбираат промените на сврзното и поткожното масно ткиво. Видлив е со голо око или со стискање на дел од кожата. Целулитот е составен од масти, токсини и вода. Целулитните промени на кожата се манифестираат како дифузни перничиња или ограничени јазли, кои настанале поради вишок на масти, ослабено сврзно ткиво, нарушување во циркулацијата и размената на материите, пред сѐ од задржување вода во ткивата.

Во суштина, целулитот нема никаква поврзаност со моменталната телесна тежина кај човекот. За жал, целулитот може да се појави дури и кај екстремно слаб човек.

Главниот виновник за неговото појавување се хормоните, особено естрогенот, потоа огромна улога има и наследниот фактор, но и лошата исхрана и намалената физичка активност.

Меѓутоа, добрата вест се состои во фактот што, иако постојат намирници што ја поттикнуваат можноста за појава на целулит, исто така природата ни дала и плодови што можат да ја спречат појавата на целулит, а ако се појавил, да помогнат во негово отстранување.

Брокула

Брокулата во својот состав содржи „коктел од витамини  и минерали“ кои се корисни за убавината и имаат релативно мал број калории. Но најважно од сѐ е тоа што оваа има моќи врз организмот какви што другите плодови немаат. Но, брокулата содржи и алфа-липоинска киселина, природна супстанција што спречува стврднување на колагенот, што предизвикува целулит. За да ја добиете потребната количина, во вашето мени вметнете 3 до 4 порции брокула неделно.

Портокал

Портокалот е исклучително корисен за телото. Тој е преполн со витамин Ц и биофлавоноиди, кои ја подобруваат циркулацијата на крвта и ја исправаат рамнотежата на клетките што може да доведе до целулит.

Лосос

Лососот се смета за идеална храна за диета, детоксикација и борба против воспаленијата во организмот и е богат со антиоксиданси што ги разградуваат. Сето ова го намалува количеството отрови наталожени во телото со текот на годините и значително ја подобрува циркулацијата на крвта во крвните садови.

Маслиново масло

Маслиновото масло придонесува за правилно функционирање на штитната жлезда, која помага во правилната работа на метаболизмот. Кога метаболизмот работи како што треба, се согоруваат маснотиите и се активираат клетките што ги регенерираат оштетувањата на кожата. Кожата и сврзното ткиво под неа стануваат поцврсти и со тоа се намалува целулитот.