Заев: Сите споменици во центарот на Скопје ќе ги дислоцираме во полјана близу до Градот и ќе направиме музеј
Заедно со Владата и Градот Скопје под раководство на Шилегов сите споменици во центарот на Скопје ќе ги дислоцираме во полјана близу до Градот Скопје и ќе направиме музеј од споменици, изјави претседателот на СДСМ, Зоран Заев на денешниот митинг во Карпош.
-Тоа може државата да го поднесе, не чини пари и ќе го реализираме за да остане симбол дека Скопје е прогресивно, дека Скопје слуша, дека Владата слуша и постапува по укажување на граѓаните. Овој период сме исправени сите пред нешто што е наша реалност и што беше реалност и пред четири години, изјави премиерот.
Според него, може да се направи паралела што се случувало овие четири години со навратување на претходните 11 години.
-Да се запрашаме сите, сакаме повторно кавги со соседите, со целиот свет? Или сакаме пријателство и да одиме напред, рече Заев.