Претседателот на Србија, Александар Вучиќ изјави дека на видео-самитот со премиерот Зоран Заев и албанскиот премиер Еди Рама станало збор за зајакнување на политичката соработка.

Како што вели тој, постигнат е договор за три точки, меѓу другото и тоа за максимално скратување на времето поминато во чекање на границите.

– Зборувавме за преминување граници само со лична карта, за нови инвестиции, како и за конкретни проекти, изјави Вучиќ за новинарите.

Тој истакна дека резултатите се многу важни за Србија и дека ќе се корисни за нејзините финансиски интереси.

Тој додава дека очекува на иницијативата да се приклучи и Приштина на следната средба, но ги очекува и Сараево и Подгорица.

– Се договоривме дека одлуките секогаш ќе бидат формализирани и суштината е дека сите сме мали, но најмали сме кога сме сами. Помина времето кога светот не одминуваше и кога не разбиравме што е силна економија. Србија ќе има најголема стапка на раст во 2020 година, изјавил Вучиќ.