Погледнете како славнта холивудска актерка изгледала на свои дваесет години…

Холивудската актерка Кетрин Зита Џонс (51) и во шестата деценија важи за една од најубавите жени на светот.

Заводливата сопруга на Мајкл Даглас (76) каде и да се појави привлекува внимание со својот изглед, а сега одлучи барем за момент да се врати во младоста, поставувајќи фотографија од далечната 1991 година.

Оскаровката тогаш имаше 22 години и беше на почетокот на актерската кариера.

„Една од моите први награди за улогата во серијата „Убави мајски бакнежи“. Толку среќен и неопислив момент на кој денес со радост се сеќавам“, напиша актерката во описот на фотографијата.

Тогаш младата Кетрин имала сосема поинаква фризура, побујна и со локни, а во склад со тогашните трендови имала и поинаква шминка и облека.