Во текот на вчерашниот ден во период од 10 до 15 часот во Тетово, полицијата изрече 21 санкција на возачи кои не им дале предност и не ги пропуштиле пешаците.

„На 18.09.2023 во периодот од 10.00 до 15.00 часот на тетовското подрачје била спроведена акциска контрола на возачите и нивниот однос кон пешаците. При контролата, откриен и санкциониран бил 21 прекршок, односно исто толку возачи не им дале предност и не ги пропуштиле пешаците, најмногу на обележани пешачки премини“, информираат од МВР.

На сите возачи-прекршители им биле изготвени поднесоци со парична глоба која за овој вид прекршок, согласно Законот за безбедност на сообраќајот на патиштата, се движи од 200 до 250 евра во денарска противвредност, а за тие со изречена глоба од 250 евра, предвидена е и заштитна мерка-времено одземање на возачките дозволи од три месеци до една година. Покрај ова, санкционирани се и 12 други видови сообраќајни прекршоци.