Во цела Србија е прогласена тридневна жалост, почнувајќи од петок, 5 мај, а завршува во недела на 7 мај, по страотниот напад што се случи во едно белградско училиште кога ученик влегол и почнал да пука кон своите врсници и вработени. Убил осум студенти и еден чувар. Неколкумина се повредени, меѓу кои и наставничка чии лекари се борат за нејзиниот живот. Наставата денеска нема да се одржува, а утре ќе започне со едноминутно молчење.

Бранко Ружиќ, министер за образование на Република Србија, изрази длабока благодарност до чуварот и наставниците, но и до сите вработени кои се обидоа да ја спречат оваа трагедија.

„Го молиме Господ да им помогне на сите кои се хоспитализирани и повредени. Шест деца се хоспитализирани и еден наставник. Благодарен сум за храброста на наставниците и на сите кои беа присутни во училиштето и се обидоа да ја спречат оваа трагедија. Повикан е тим од психолози за да им пружи поддршка на студентите, вработените и другите во овој трауматичен период пред сите нас. Незамисливо е, кога ќе ги видите тие сцени, како им беше на оние деца кои доживеаја страв, како и на чуварите и наставниците кои се обидоа да ја спречат трагедијата и да го заштитат најсветото – децата“, рече Ружиќ.

Тој истакна дека „за жал и Србија е дел од тој свет каде што се почесто се случуваат вакви работи“.

„Евидентно е канцерогеното, погубно влијание на интернетот, видео игрите и таканаречените западни вредности и на сите ни е јасно дека е потребен голем пресврт, заострување на мерките, но и систематско пронаоѓање на решенија за оваа трагедија, не дај Боже, да не се претвори во општествено прифатлив модел на однесување како што тоа е случај во некои западни општества. Денеска имавме многу смислен, емотивен разговор со претседателот на Република Србија, Александар Вучиќ и со премиерката Ана Брнабиќ. Секако, од денеска како Влада, а сигурен сум дека тоа ќе го направи и претседателот на Републиката, ќе излеземе со уште појасна слика. Апелот е да им се дозволи на семејствата на починатите на мир да ги испратат своите најблиски и сите што гледаат во ова, јас ќе го наречам политички мршојадец, да се погледнат во огледало и да размислат“.

ШТО Е ПОЗНАТО ДОСЕГА?

 Утринава околу 8 часот имало пукање во основното училиште во Белград. момче (14) пукало во училиштето во Врачар „Владислав Рибникар“ и повреди неколку ученици.

 Мајка на ученик од училиштето во Белград: Убиен е омилениот чувар Драган, децата го обожаваа

 Познат идентитетот на момчето кое го изврши пукањето во Белград: Упаднал на час по историја и почнал да пука

 ВИДЕО: Моментот кога беше уапсено момчето кое го изврши нападот во Белград

  Српското Министерство за образование се огласи околу ужасниот настан во основното училиште во Белград

  Ученичка од училиштето раскажа што се случило за време на нападот: Го видов обезбедувањето како паѓа на под

 Српско МВР: Во пукањето во Белград се убиени осум деца и еден чувар

 Ана Станиќ за убиството во Белград: Син ми е ученик во тоа училиште, не го познава детето кое пукаше

 Белград не памети покрваво убиство

 Српски адвокат вели дека ако момчето нема повеќе од 14 години, не може кривично да одговара

 Седмоодделенецот направил список со децата што планирал да ги убие, имал скица и детален план како да го направи тоа

 Уапсен таткото на седмоодделенецот, заедно вежбале стрелање, а пиштолите ги чувал во сеф