Во Србија потврден првиот случај на омикронската подваријанта Ерис
Институтот за јавно здравје на Војводина денеска соопшти дека во рамките на рутинскиот надзор на коронавирусот, го потврдил присуството на омикронската подваријанта ЕГ.5 (наречена Ерис), пренесуваат српските медиуми.
Како што е наведено, присуството на подваријантата EG.5 (Eris) беше идентификувано со анализа на геномот на вирусот SARS-CoV-2, користејќи го методот на секвенционирање на новата генерација, од примерок од биолошки материјал обезбеден на 30 август на оваа година, како дел од рутинскиот надзор на COVID-19 на територијата на Јужнобачката област.
Мутациите Ерис и Форникс веќе се широко распространети во Америка, Кина, Јужна Кореја, Португалија и Шпанија.
На почетокот на годинава Светската здравствена организација изјави дека подваријантата „Ерис“ не претставува значителна закана за јавното здравје.