Во окупираните делови на Украина, една буква ја отсликува украинската храброст
Украинците ја користат буквата „Ї“, која не се употребува во руската кирилица, за да покажат храброст и да ги „идентификуваат предавниците“
Украинците во руските окупирани делови на земјата, како знаци почнаа да користат нивни букви кои ги нема во руската азбука, за да покажат храброст против окупаторот, пишува „Политико“.
Препорачано
Во пристанишниот град Мариупол, еден од првите големи градови кој во мај „падна“ во рацете на Русија, буквата „Ї“ од украинската азбука, се појави на неколку места низ градот.
The letter Ї — unique in the Ukrainian alphabet — is becoming a symbol of resistance against Russian occupation in Mariupol. An original and powerful way to assert the political and cultural distinctiveness of #Ukraine, systematically denied by ??
Source: https://t.co/JarMXHRRw0 pic.twitter.com/iYHL0B5z3G
— Jaroslava Barbieri (@jarabarbieri) September 9, 2022
Оваа буква „стана симбол на слободата и храброста“, пишува на профилот на градската влада на Телеграм. „Жителите на Мариупол почнаа да го пишуваат овој симбол на зградите, парковите, ѕидовите, оградите…, тие сакаат да докажат дека Мариупол е Украина“.
Русите и Украинците имаат слични азбуки, со неколку промени. Така, една од разликите е токму буквата „Ї“, која се изговара „ји“, а се користи во пишувањето на многу зборови, како на пример Київ (Киев).
Еден од помошниците на поранешниот украински градоначалник на Мариупол, вели дека „овој симбол станал кошмар за окипаторот“.
Ї letter massively appears in occupied Mariupol as a new form of protest is taking momentum
People are painting Ukrainian letters Ї on the streets, irritating occupiers. Ї is not present in the Russian language and is one of the symbols of Ukraine
?from advisor to the mayor pic.twitter.com/Lh8kaQwjOR— Euromaidan Press (@EuromaidanPress) September 6, 2022
Симболот се појави и во Херсон
Според украинските медиуми, буквата „Ї“ исто така била напишана и на куќите во останатите региони каде напредуваа руските сили, како во градот Херсон.
Употребата на буквата, исто така, има уште една поврзаност со војната во која Украинците се лути поради тоа што рускиот претседател Владимир Путин се обидува да го негира нивното историско и културно наследство. Фокусот на буквата „Ї“, исто така, се чини дека претставува противтежа на рускиот симбол „Z“ што го користи руската војска.
