Во Куманово три избирачки места не се отворени навреме, не функционирале уредите за идентификација
Поради нефункционалност на биометриските уреди за идентификација, две избирачки места во Куманово не се отворени навреме, а на едно место изгубен е печатот.
Како што соопштија од ОИК Куманово, утрово во 7 отворени беа 164 од вкупно 167 избирачки места.
-Избирачкото место 1075 не беше отворено од причина што УБИГ апаратот не беше во функција подолго од три часа, и покрај сите обиди да се донесат нови. Исто така и за избирачкото место 1100, додека во избирачкото место 1090, изгубен е печатот. На овие места според моите информации не е продолжено гласањето во текот на денот. Се чекаше одлуката на ДИК за прекин на гласањето и гласањето ќе биде повторено, изјави претседателката на ОИК Куманово, Елизабета Стојковска.
Во однос на останатите места немало некоја посебна забелешка освен за УБИГ апаратите.
-На гласачките места нема забелешки обично кога УБИГ апаратот кога не го регистрира фингерпринтот, но постои начин да се гласа со лична карта доколку избирачот си е запишан во избирачкиот список, си го остварува правото на глас, изјави Стојковска.