Во чест на Пикасо во „Остен“ е поставена изложба од француската уметница Камелија Отеро
Во галерија „Остен“ е поставена самостојна изложба на слики со наслов „Јас и Пикасо“ од француската уметница Камелија Отеро, која од 25 октомври до 15 ноември изложува заедно со дела од Пикасо од колекцијата на „Остен“. Отворањето на изложбата е на 25 октомври, во 19 часот.
Камелија Отеро досега учествувала на Меѓународното биенале на „Остен“ во 2016 година, каде ја освои наградата „Остен“, а осум од десет дела се класифицирани во нивниот музеј и во различни портфолија, вклучувајќи го Францускиот институт, колекцијата на француски сликари, портфолиото на павилјонот во Венеција.
– Нејзиното патешествие како автодидакт траеше три децении „тајност“ во нејзината работа и без да бара да угодува, храбро и непретенциозно го надмина периодот на големата пресвртница. Соочена со голата форма на почетокот на новиот век, таа ужива во сликарството, цртањето и вајарството, но и означувањето, а со своето возвишено око станува фрескописец, автор на своите неоткриени записи – стои во најавата на нејзината изложба во Скопје.
По 30 години развој, таа се појавува како некласифициран агитатор, но верна на уметноста, а не на уметникот, бидејќи нејзиниот уметник одговара на 20-иот, а не на 21-иот век, посочуваат од „Остен“.
Изложбата „Јас и Пикасо“ од француската уметница Камелија Отеро е поставена во чест на роденденот на славниот сликар Пабло Пикасо (25 октомври 1881 – 8 април 1973).