Во Аргентина уапсен член на криминалната група „Пинк Пантер“
Звездан Бегиќ (34) од Подгорица, осуден член на меѓународната криминална организација Пинк Пантер е уапсен во Буенос Аирес.
Звездан Бегиќ (34) од Подгорица, осуден член на меѓународната криминална организација Пинк Пантер е уапсен во Буенос Аирес.
Бегиќ влегол во земјата со фалсификуван пасош на Европската унија, а живеел под лажен аргентински идентитет. Тој е осуден во Франција на 15 години затвор, а го бара и италијанската полиција за грабежот во Милано.
Според аргентинските медиуми, Бегиќ и неговиот колега ограбиле златарница во Сен Тропе во 2005 година и одзеле накит вреден два милиони евра.
Бројни медиуми претходно објавија дека Бегиќ и Душко Мартиновиќ, двајцата, биле осудени на 15 години затвор во Франција за тоа, со доживотна забрана за влез во таа земја. Бегиќ и двајца колеги вооружени влегле во златарницата „Парадизо Луксери“. Одзеле 20 часовници „Ролекс“ и две нараквици проценети на по 200 000 евра и избегале.