Пратеничката група на ВМРО-ДПМНЕ ќе бара во Собранието под итно законски измени со кои што подметнувањето пожар ќе биде оквалификувано како дело на тероризам, а одлагањето наа смет на непрописно место да биде кривично дело кое ќе се казнува со затворска казна поголема од пет години, рече премеирот Христијан Мицкоски за време на денешната посета на Јагуновце.

„Во рамките на парламентарната процедура разговарав со координаторот на пратеничката група на ВМРО-ДПМНЕ итно да имаме измени во законите со кои подметнување пожар ќе биде оквалификувано како дело на тероризам, а одлагање на смет онаму каде што не му е местото ќе биде друго кривично дело кое ќе се казнува со казна затвор поголема од пет години“ нагласи Мицкоски.

Министерството за животна средина уште вчера испратило допис до сите општини да ги расчистат дивите депонии, а отпадот да се одлага каде што му е местото.

Премиерот ги повика несовесните граѓани кои што ги создаваат овие диви депонии да престанат да го прават тоа, бидејќи, како што рече, тие што ќе бидат фатени како фрлаат ѓубре на несоодветно место, ќе бидат најстрого казнети.

Идентификувани се 20-на лица за кои постои основано сомнение дека стојат зад подметнувањето на пожарите, рече Мицкоски за време на денешната посета на општината Јагуновце.

Мицкоски: Идентификувавме 20-на осомничени за пожарите, во моментов заседава врвот на МВР