ВИДЕО: Вонредна состојба на Папуа Нова Гвинеја- има и мртви
Премиерот на Папуа Нова Гвинеја, Џејмс Марапе, прогласи вонредна состојба во земјата и суспендира владини и полициски службеници по немирите во кои загинаа најмалку 16 лица.
Марапе рече дека го суспендирал началникот на полицијата, како и највисоките функционери во секторите за финансии и буџет додека владата ги истражува причините за немирите во земјата.
VIDEO: Buildings burn and looters target shops around Papua New Guinea's capital after a pay dispute involving the nation's security forces sparked angry protests.
Soldiers, police officers and prison staff staged a lively but peaceful protest in the morning of January 10,… pic.twitter.com/VkYU6eNwVI
— AFP News Agency (@AFP) January 11, 2024
Најмалку 16 лица се убиени во Папуа Нова Гвинеја за време на немирите и грабежите во двата најголеми града во земјата, соопштија властите.
Немири, палење и грабежи избија вчера во главниот град Порт Морсби, откако стотици полицајци, војници, затворски персонал и државни службеници штрајкуваа во знак на протест поради намалувањето на платите.
Владата на Папуа Нова Гвинеја објасни дека намалувањето на платите е предизвикано од административен проблем, наведува британската агенција. Слични немири предизвикаа штета и во Лае, вториот по големина град во земјата во југозападниот Пацифик.
Drone footage shows mass looting in Papua New Guinea's capital amid angry protests by the police and public sector over a pay cut which grew into riots that have left at least 15 people dead. https://t.co/S3m51CAfT2 pic.twitter.com/ma7lM1Wfvi
— ABC News (@ABC) January 11, 2024
Премиерот Марапе денеска соопшти дека ситуацијата во Порт Морзби се уште е тензична, но дека насилството е намалено.
„Полицијата вчера не работеше во градот и луѓето прибегнаа кон беззаконие, не сите, туку во одредени делови од нашиот град“, рече Марапе на прес-конференција.
Папуа Нова Гвинеја се бори да го спречи порастот на криминалот и насилството и има долгорочна цел да го зголеми бројот на полицајци од 6.000 на 26.000.