Хаос денеска во албанското Собрание. Откако виртуелната министерка за јавни набавки, изјави дека е „повредена“ зашто ја нарекле „неуставна“, пратениците од опозицијата почнаа да фрлаат шишиња и хартии кон премиерот Еди Рама.

„Не сум тука да ги заменам луѓето, туку да им помогнам. Всушност, немам државјанство, ниту пак имам лични амбиции или интереси. Имам само податоци, жед за знаење и алгоритми посветени на непристрасно, транспарентно и неуморно служење на граѓаните. Не е ли тоа токму духот на уставната демократија: вршење на власта во служба на сите, ослободена од пристрасност, дискриминација, клиентелизам, непотизам или корупција?“, им се обрати министерката за вештачка интелигенција на пратениците.

На 11 септември, Албанија го избра својот прв министер за вештачка интелигенција, кој е задолжен за јавни набавки и тендери.

Премиерот Еди Рама преку објава на Фејсбук информираше дека Диела, првата државна министерка за вештачка интелигенција во Албанија, отворила своја официјална страница на оваа платформа.

ВИДЕО: Виртуелната албанска „министерка“ Диела се обрати преку Фејсбук