ВИДЕО: Украина тврди дека со дрон „Бајрактар“ потопила уште еден руски брод кај Змискиот остров
Украинската Влада тврди дека нејзината војска ја уништила руската фрегата во Црното Море, за што вчера јавија украинските медиуми. Според извештајот, објавен на Твитер, украинските сили нападот го извршиле со дрон „Бајрактар ТБ2“.
„Традиционалната парада на руската Црноморска флота на 9 мај оваа година ќе се одржи во близина на Змискиот остров, на дното на морето”, објави твитер-профилот на украинското Министерство за одбрана.
Ukrainian Bayraktar TB2 destroyed another Russian ship. This time the landing craft of the "Serna" project. The traditional parade of the russian Black Sea fleet on May 9 this year will be held near Snake Island – at the bottom of the sea. pic.twitter.com/WYEPywmAwX
— Defence of Ukraine (@DefenceU) May 7, 2022
Информацијата за потопувањето на фрегатата „Адмирал Макаров“ и натаму не е потврдена од Москва, ниту од западните воени кругови.
Да потсетиме, откако беше изложен на смртоносен пожар вечерта на 13 април, еден од најважните бродови на руската морнарица, крстосувачот „Москва” следниот ден потона во Црното Море додека се влечеше до најблиското пристаниште Севастопол.
Пред руските медиуми да објават дека има пожар, а потоа и евакуација на екипажот на бродот, украинските сили потврдија дека го нападнале крстосувачот со противбродски ракети „Нептун” од домашно производство.