Во осмото коло од најсилното кипарско првенство екипата на АЕК Ларнака со резултат 0:2 беше подобра од составот на Ермис.

Придонес во петтата победа сезонава имаше и македонскиот репрезентативец Иван Тричковски кој го реализираше вториот гол на тимот во 85 минута.

За него ова е вкупно до сега петти гол оваа сезона во седмиот настап за АЕК Ларнака за моментно прво место на листата најдобри стрелци во шампионатот.

Тричковски го одигра целиот меч, претходно за гостите од 67 минута настапи и Стефан Спировски, а во составот не беше Даниел Мојсов.

На табелата АЕК Ларнака е на втората позиција со 16 бода, три помалку од водечкиот Аполон.