По точно 582 дена на стадионот „Монументал“ е одиграно првото Суперкласико помеѓу Ривер Плата и Бока јуниорс пред навивачи, а речиси сите се радуваа поради победата на домашниот тим од 2:1.

Како одлучувачки момент се покажа исклучувањето на поранешниот фудбалер на Манчестер јунајтед, Маркус Рохо, кој по само 16 минути игра доби два жолти картони.

Откако имаа играч повеќе, фудбалерите на Ривер Плата ја презедоа иницијативата и веќе во 25 минута со фантастичниот гол на Хулијан Алварез поведоа со 1:0.

Еден од најдобрите млади фудбалери на светот се покажа како кобен за гостите бидејќи со вториот гол во 43 минута ги реши дилемите околу победникот.
Бока Јуниорс во вториот дел успеа да го ублажи поразот со голот на Карлос Замбрано во последните моменти од натпреварот.
Ривер со победата во Суперкласико се искачи на лидерската позиција на табелата со 30 бодови, еден повеќе од Талерес кој пак има и наптревар помалку, додека Бока Јуниорс е на делба на шестото место со 21 освоен бод.