Три дена им требаше на градските служби да го исчистат снегот, реагираат граѓаните кои ги анкетираше Слободен печат.

– Улиците се чисти, но дури денеска, три дена откако заврна снег, задоцнија со чистењето, иако беше најавено дека ќе има снег, рече еден од анкетираните.

Спротивно на нив, пак, Марјан Пaвиќ главен инженер во ЈП „Улици и патишта“ во изјава за Слободен печат вели дека одржувањето на сообраќајниците во зимски услови е на задоволително ниво, а доказ за тоа е што никој досега нема пријавено дека има застој во сообраќајот.

Дел од граѓаните имаа и пофални зборови за работата на зимската служба.

– Одлично е исчистено, подобро никогаш не било. Плоштадот е исчистен и прооден, порано не беше вака, на плоштад не се поминуваше со денови откако ќе заврнеше снег, беше мисењето на еден од нашите соговорници.

Зимската служба во текот на денот го ќе исчисти патот до Средно Водно, со цел да може да се овозможи движење кон планината.

Погледнете ги сите одговори од анкетата во видеото: