ВИДЕО | Шпански турист сипал пиво во сурлата на слон: Случајот ја вознемири цела Кенија, а на мажот не му се пишува добро
Неколку истраги се покренати откако еден Шпанец во Кенија објави видеа од себе како сипа пиво во сурлата на слон, предизвикувајќи бес на социјалните мрежи, јавува Би-би-си.
Препорачано
Тој бил снимен во резерват за диви животни како пие од лименка „Таскер“, популарно локално пиво, пред да му го даде остатокот на слон.
🤬 Another “genius.” A Spanish tourist gave beer to an elephant in Kenya
The videos posted on Instagram were deleted after a wave of outrage. However, screenshots show the man drinking Tusker beer and then pouring the rest into the trunk of an elephant named Bupa.
Bupa is a… pic.twitter.com/PisrNbriyB
— NEXTA (@nexta_tv) August 28, 2025
Шпанецот објавил снимка на Инстаграм, кој подоцна ја избришал од својот профил по реакцијата од Кенијците во коментарите.
Би-би-си ја анализирал снимката и успеал да потврди дека е автентична. Опкружувањето и познатиот и слон мажјак упатуваат на тоа дека е снимена во резерватот Ол Јоги во централниот округ Лаикипија.
View this post on Instagram
Член од персоналот во приватниот резерват за диви животни контактиран од Би-би-си бил шокиран од однесувањето – и рекол дека видеата ќе бидат доставени до „надлежните органи“.
„Ова никогаш не требаше да се случи. Ние сме установа за заштита на животните и не можеме да дозволиме ова да се случи. Не им дозволуваме на луѓето дури ниту да се приближат до слоновите“, рекол вработениот, идентификуван само како Френк.
Службата за диви животни во Кенија (КВС) исто така го истражува инцидентот, изјави портпаролот на агенцијата Пол Удото за Би-би-си.
Мажот кој е вмешан во скандалот не го користи своето име на своите профили на социјалните мрежи, од кои сите имаат варијација на фразата Skydive_Kenya.
Во друг клип споделен на Инстаграм во вторникот, се гледа како тој храни два слона со моркови, а потоа вели: „Време е за пиво.“
Видеата на Инстаграм привлекоа стотици критички коментари – од кои некои повикуваа на депортација на мажот – пред објавите да бидат отстранети.
Ол Јоги вели дека резерватот е дом на околу 500 слонови и се смета за еден од пионерите во рехабилитацијата на животните сирачиња и нивното враќање во дивината.
Човекот прикажан во видеата со пиво, кој се опишува себеси на ТикТок како „зависник од адреналин“, објави видео во понеделник во кое може да се види во блискиот резерват Ол Пехета како храни носорог со моркови.
View this post on Instagram
„Тој, исто така, ги прекрши нашите правила затоа што не му беше дозволено да ги допира носорозите затоа што тие не се домашни миленици“, изјавил Тиге Нјугуна од Ол Пејета за Би-би-си.
View this post on Instagram
Тој потврдил дека носорогот во видеото е од нивниот природен резерват, додавајќи дека Ол Пехета не е дом на слонови.
Доктор Вини Кииру, кениски биолог и конзерватор на слонови, го нарече однесувањето на туристите „неприфатливо“ бидејќи го загрозува својот и животот на слонот.
„Околу 95 отсто од слоновите во Кенија се диви и погрешно е да има објави на социјалните мрежи кои даваат впечаток дека можете да се приближите и да ги нахраните слоновите“, рекла таа за Би-би-си.
По инцидентот, министерството за туризам и диви животни објави построги правила, наредувајќи им на туристичките оператори да се придржуваат до правилата на паркот со тоа што ќе обезбедат посетителите да останат во возилата, освен во одредените области.
Исто така, се обврзало да ја подобри сигнализацијата во парковите за диви животни и да ја зголеми едукацијата на посетителите за безбедносните правила.
