ВИДЕО | Шер има ново момче: Пејачката ужива во друштво на 40 години помлад продуцент
Познатата американска пејачка и актерка Шер (76) предизвика бројни реакции кога се појави во јавност, држејќи се за рака со поранешното момче на Амбер Роуз, Александер Едвардс.
Шер била фотографирана во друштво на 36-годишниот музички продуцент додека оделе на вечера во познат ресторан во Холивуд.
Во еден момент, Едвардс бил забележан како нежно ѝ ја бакнува раката на пејачката додека биле во автомобилот.
Музичката икона носела целосно црн комплет кој се состоел од широки панталони, топ со ремен, долг капут и чизми, а се чини дека Александер ја усогласил својата облека со Шер, изгледајќи елегантно во црна кожна кошула и панталони, во комбинација со црн капут.
Коментарите биле разни – има такви кои го поддржуваат парот до луѓе кои пишувале дека Шер има повеќе пластика на себе од сите Кардашијанки заедно.
Музичкиот продуцент инаку има дете со старлетата Амбер Роуз, 3-годишниот син Слеш, но парот се раздели откако Александер бил фатен во неверство.
Шер беше во брак со Сони Боно (1964-1975) и Грег Алман (1975-1979) и има две деца, а се забавуваше и со Том Круз, Вал Килмер и други
„Мажите не се потреба, тие се луксуз“, изјави легендарната пејачка во една прилика, а кога нејзината мајка ѝ рекла дека еден ден ќе пронајде и ќе се омажи за богат маж, Шер ѝ одговорила: „Мамо, јас сум богат маж!“.
