Денеска во дербито од седмото коло во шпанската „Ла Лига“, составот на Реал Мадрид триумфираше со резултат 1:3 (1:1) против Барселона.

Во еден од најголемите натпревари во фудбалскиот свет, во традиционалното „Ел Класико“ после само пет минути игра го видовме веќе и првиот погодок на средбата.

Во една полуконтра Бензема во прав момент го пронајде Валверде кој прецизно стрелаше во мрежата на Нето. Радоста на гостите траеше само 180 секунди, бидејќи каталонскиот гигант израмни преку Фати по додавањето на Алба.

Рамос беше фаулиран во казнетиот простор на Барса во 63 минута, главниот судија прво провери преку ВАР снимка, по што одлучи да покаже на белата точка, а Меси не беше задоволен од одлуката. Искусниот дефанзивец беше прецизен, а сите дилеми околу победникот ги реши Модриќ со еден прекрасен во 90 минута.

Играчите на тренерот Зидан повторно се на врвот на табелата во шампионатот со 13 бодови, додека оние на Куман кои веќе трет меч во низа не знаат за победа се дури на 10 место со седум бода.