ВИДЕО: Распит во Конгресот на САД за зачестените напади врз лицата со азиско потекло: Не се воздржа ни актерот Даниел Де Ким да го искаже својот револт
Само два дена откако во сојузната држава Џорџија беа убиени шест жени со азиско потекло, во Претставничкиот дом на американскиот Конрес се водат распити во кои законодавачи, професори и актерот Даниел Де Ким, изјавија дека азиската заедница во САД е потресена од зачестените напади годинава на луѓето со азиско потекло, јави дописникот на МИА од Вашингтон.
Daniel Dae Kim on House bill condemning anti-Asian sentiment: “I was disheartened to find that for a bill that required no money or resources, just a simple condemnation of acts of hate …164 members of Congress—all Republican—voted against it.” https://t.co/Apq0AYUMdR pic.twitter.com/B2ZY10Rwlo
— ABC News (@ABC) March 18, 2021
Според експертите, ова е поврзано со пандемијата на коронавирус, што се прошири од Кина, а многу Американци вирусот го нарекуваат „кинески вирус” или „кинеска чума”.
ВИДЕО: Осомничениот за свирепите убиства во Атланта е син на свештеник и бил познат како „бубалица“
Распитите се водат пред поткомитетот на Комитетот за правосудство за устав, граѓански права и слободи. Тие беа планирани уште пред нападите во вторникот, а поврзано со избликот на насилство засновано на омраза кон Американците со азиско потекло.
Според Центарот за истражување на омразата и екстремизмот, бројот на такви инциденти во 2020 година во 16 големи градови пораснал за 149 отсто, споредбено со 2019 година.
Според експертите, ова е поврзано со пандемијата на коронавирус, а многу Американци, меѓу кои и поранешниот претседател Доналд Трамп, вирусот го нарекуваат „кинески вирус” или „кинеска чума”.
Претседателот на поткомитетот, Стив Коен истакна дека пандемијата само ги засилила скриените антиазиски предрасуди кои ги имало во Америка и пред тоа.
Актерот Даниел Де Ким, познат по улогите во телевизиските серии „Изгубени” и „Хаваи 5.0″, ги повика законодавачите да поднесат закон за финансирање на организации кои консултираат жртви на напади засновани на омраза и да се подобри собирањето податоци за такви злосторства.
Претседателот на САД, Џо Бајден утре ќе има средба со лидерите на азиско-американската заедница во Атланата, Џорџија, каде во вторникот се случи осумкратното убиство на седум жени и еден маж, од кои шест се со азиско потекло.
Убиецот, 21 – годишен бел маж, веднаш беше фатен од полицијата и призна дека злосторствата не ги сторил од етничка или расна омраза