ВИДЕО: Расистички скандал во Данска – фудбалерите на Мароко ги споредија со мајмуни
Репрезентацијата на Мароко на Светското првенство во Катар секако беше една од најубавите приказни, а играчите беа највозбудени што по секоја победа ќе слават со своите семејства. А денеска се исмеваа со сето тоа на една данска телевизија и ги споредија Мароканците со мајмуни, што е навистина невиден срам.
На крајот фудбалерите на Валид Реграги го освоија четвртото место на Светското првенство, што е историски резултат на оваа репрезентација и секако најголема сензација на големото натпреварување во Катар, за првпат една селекција од Африка е во Топ 4 на Мундијалите.
Achraf Hakimi and Sofiane Boufal celebrating with mother after Morocco’s quarterfinal win over Portugal 🇲🇦 Masha’Allah ❤ pic.twitter.com/YDEpbKvc6q
— • (@Al__Quraan) December 10, 2022
#Hakimi e sua madre, Barcellona.
Una delle immagini simbolo di #Qatar2022 pic.twitter.com/wZMxlXc60X
— Fabrizio Biasin (@FBiasin) December 17, 2022
Иако за третото место беа поразени од Хрватска со 2:1, сигурно е дека Мароканците можат да се гордеат со сè што покажаа во претходниот месец и ги заслужуваат сите честитки.
Тоа особено се однесува на она што го направија по секоја победа што би ја постигнале на ова големо натпреварување. Тогаш играчите на Мароко ги славеа победите со своите родители, а особено се истакнаа Ашраф Хакими и Софиан Буфал кои најпрвин отидоа во прегратките на своите мајки, што ја воодушеви светската јавност.
This was on Danish TV @tv2newsdk where hosts jokingly equate #MAR players hugging their mothers after games with monkeys.
“Because they stick together, they also do that during family reunions in Qatar, in #Morocco” whilst holding up photo of monkeys.pic.twitter.com/ZUv7qstBgl— Nima Tavallaey Roodsari (@NimaTavRood) December 16, 2022
Мароканците покажаа колку се поврзани со своите родители, што беше слика која го воодушеви светот, но очигледно не и целиот свет, бидејќи денес Данците ги шокираа сите.
Имено, на националната телевизија TV2 News тие го шокираа светот затоа што го исмеваа фактот дека Мароканците се толку поврзани со нивните семејства и ги споредија со мајмуни, што е навистина скандалозно. Ваквиот расистички потег ја шокираше јавноста која ги осуди водителите и уредниците на оваа данска телевизија на кои им порачаа дека тоа што го направиле е неприфатливо.
Само да додадеме дека Данска уште пред да почне Мундијалот протестираше зошто се организира таков голем настан во Катар, дури и се закануваше дека нема да настапи. Данците не ја поминаа ни групната фаза, односно беа последнопласирани зад Франција, Австралија и Тунис.