Група туристи кои се возеле во гондола во Венеција завршиле во ледената вода на еден од каналите, откако одбиле да седат мирни и да престанат да се движат за да направат селфи.

Желбата да се долови секој детаљ во еден кадар и да ги овековечат убавините на Венеција, ќе била кобна за четворицата туристи со азиско потекло, доколку гондолиерот не реагирал навреме.

Во видеото кое брзо се рашири на социјалните мрежи, може да се види како гондолата во која се туристите, се превртува во каналот Рио дела Верона во Венеција, во близина на театарот „Ла Фенис“.

Очигледно е дека оваа необична несреќа се случила поради една фотографија, бидејќи туристите се наведнале на едната страна од гондолата за да направат што подобро селфи.

Според извештаите, туристите ги спасил гондолиерот кој, иако ги предупредил да останат на своите места, не го послушале, па завршиле во прилично студените води на венецијанскиот канал.

За среќа, никој од нив не е повреден.

Во продолжение погледнете го видеото:

@ienaridens69 #gondola #venice #dangerous #coldwater #venezia80 ♬ suono originale – Luca Ultra Effe